(25) هونراوه ى جه مال غه مبار (په‌ڕه‌ 1) - هۆنراوه‌ و په‌خشان - ::: مــه‌کـــۆکانی روگــــــه‌ش ::::
banner

تۆ له‌ ژووره‌وه‌ نیت. تكایه‌ بچۆژووره‌وه‌ یان خۆت تۆمار بكه‌.


په‌ڕه‌ 1

ده‌بێت چوونه‌ژووره‌وه‌ یان به‌ ئه‌ندامبوون بۆ ئه‌وه‌ی بتوانیت وه‌ڵام بنووسیت

RSS ی بابه‌ت

په‌یام [ 7 ]

1

بابه‌ت: (25) هونراوه ى جه مال غه مبار

١
دوای گەڕانەوە لە سەفەر
ھەموو نیشتمانم ھێنایەوە بۆ پایزە غەمگینەکەی ئەدیلاید
شتێک نەبێ لەوێم جێھێشت؛
ئەویش دڵم بوو.. دڵی پڕ بارانی خۆم!

٢
بمبەخشە ئەی دڵی بێشەوق!
من جێمھێشتی تا بەر تۆفانی غەریبیم نەکەویت و
نەچیتەوە شەوەکانی نائومێدی،
نەبیتەوە بە گومان و ئاوێنەکانم لێ پڕکەیت لە تەنیایی.

٣
لە ئێوارەمدا کە ئەستێرەیەک ھەڵدێ
ئەڵێم ئەوە تۆی،
بۆیە قەت حەز بە ئاوابوون ناکەم!

٤
لەبەر تەنیایی
رۆژێک دێت ئەم (مەتاعی غرور)ە جێبھێڵم (*)
ئەزانم لەوێش، لەو دنیا، تەنیا ئەبم!

٥
بێکۆتاییە حیکایەتی ھەڵوەرینی من
لە کوێوە دەست بە نوسینەوەم ئەکەیت، لە کوێوە؟
-لەو سەفەرانەی کە جانتاکانی ژیانم تێدا بەجێھێشتن؟
-لەو مێرگانەی کە قەراربوو شتێکیان تێدا شین بێ لە پیری بچێ؟
-یان لەو تێرمیناڵ و فڕۆکەخانە گەورانەی
ناوی خۆم و
عەینەکی تەمەن و
دوا شیعری جاویدانیم تێدا بزرکردن؟

٦
کە ئەتبینم، شیعریشم وەک دڵم ئەلەرزێ!

٧
تۆ کە جانتاکەت پڕە لە میھرەبانی،
عیشقێک دێت پڕم کەیت لە غەزەلی خۆت
ئەوینێک دێت بەدەم ئاوابوونەوە
لە پایزەکەی خۆتم ھەڵکێشیت!

٨
ئەی میھرەبان!
کەمێک لە تریفەی خۆتم بدەرێ
شەوی سەفەری من وەک خەمی تۆ نابڕێتەوە.

٩
ھەتاوێک فێربووە
بەیانیان لە پەنجەرەی ئیحساسم ئەدات!
ھەتاوێک فێربووە
نیگەرانیم ئەخاتە بەر باران و
لە خۆیدا ئەمنوسێتەوە.
١٠
جاران کە مانگ شیعری ئەنوسی؛
-ئەستێرە، قاوەی بۆ حازر ئەکرد
-شەوگار قەڵەمی ئەدایە
-ئاسمان سنگی بۆ ئەکردە دەفتەر!
ببینن، قەسیدەکانی مانگ، چۆن ڕەنگی خودایان لێ ئەتکێ.

١١
کە بانگت ئەکەم؛ باران
-باخچەیەک ئاوڕئەداتەوە
-کانییەک بەخەبەر دێ.
کە بانگت ئەکەم؛ باران
-(سلێمانی) ئەڵێت: بەڵێ!

١٢
کە ماچت ئەکەم
دەمی ھەنار ئاو ئەکات
دڵی ڕووبارێک ئەلەرزێ!

١٣
حەزئەکەم قەت پێک نەگەین.
گەر پێک بگەین؛
ئیتر شیعر چۆن داگیرسێ!

١٤
لە ژووری سەفەرمدا، تۆ ئاوێنەیت.
لە ساڵی قەسیدەمدا تۆ پایزێکی غەمگینیت.
لە باخچەکەی تەنیاییشما تۆ ھەمیشە بارانیت، باران!

١٥
-بۆ قاوەکەت ناخۆیتەوە، بۆ قاوەکەت تەواو ناکەیت؟
ئەترسیت قەرەجێک بێت و
(بەخت)ێکت بۆ بگرێتەوە و
بە ترسێکەوە پێت بڵێ؛ بۆ یەک نابن!

١٦
ھەموو شەوێک ئەتخوێنمەوە و تەواو نابیت!
ھەموو شەوێک چراکەی خۆتم ئەدەیتێ و
کەچی ھێشتا من تاریکم، ھێشتا تەنیام!

١٧
وەرە ئەمبەری تەنیاییم،
بەسەر پردی تەمەنمدا بپەڕێوە
پایز و ھەتاو و شیعرم لەگەڵ بەش کە.

١٨
ڕۆژێک دێ ئەم حیکایەتە ببێتە بیرەوەری
ھەینییەک دێت بەلای گۆڕێکدا تێپەڕیت
دڵێکی بێدەنگی تێدا ڕاکشاوە
بە خۆت بڵێیت؛
-لەم دڵەوە چەند نزیک بووم.
چەندجار ئەم دڵەم بردۆتە ناو ژوورەکانی خەیاڵم.
بە خۆت بڵێیت؛
-لە ھەیوانە تاریکەکەی مەراقمدا
چەندجار ئەم دڵەم وەک چرا ھەڵکردووە.

١٩
لە نێوانی من و تۆدا، (سلێمانی) خۆی شاھیدە؛
دڵم چەند تێکشکانی بینیوە
ڕۆحم چەندجار خراوەتە قەفەسەکانی عیشقەوە!
کەچی من ئاقڵ نابم و
ھێشتا دەست بۆ پشکۆکان ئەبەم.

٢٠
من ھەتا ئەبەد لەلاتم
ھەتا ئەبەد مانگت بۆ ئەکەم بە دیاری،
ڕووبارت بۆ ئەکەم بە قەسیدەی درێژ،
گۆرانییت بۆ ئەھێنمە ماڵێ!
بەڵام ئەوەی تا ئەبەد ترسم لێی ھەیە:
بەیانییەکی سارد
لەسەر تەمی پەنجەرەکەم بنوسیت؛
-لەبیرم کە ئازیزی من، لەبیرم کە!
ئەم حیکایەتەی من و تۆ
چنگێ خۆڵەمێشی خەم بوو
لە پشکۆی دڵتەنگی جێما..
مۆمێک بوو، تەنیایی دایگیرساند و
بێھودەیی کوژاندییەوە.
لەبیرم کە ئازیزی من، لەبیرم کە!

٢١
لەوە غەمگینترم
بە ماچێک دڵم بدەیتەوە دەست خۆی!
لەوە غەمگینترم
چنگێ ئەستێرەم بدەیتێ و
ببیتە دەلیلی ھەورەکانم، گوڵەکانم
بۆ گەڕانەوە بۆ لای خۆم، بۆ کەلاوەکانی ڕۆحم،
بۆ گەڕانەوە بۆ شارە سووتاوەکانی یەقین.

٢٢
کەی ئەمبیستیت خودایا!
کەی ئەمبینیت..

٢٣
رەزی عومرم ھێشووی خەمێکی گرتووە
لە تۆ ئەچێ.
لێوی قەسیدەم گوڵێکی وا پێوە
لە دڵی شکاوی تۆ ئەچێ.
لەم چۆڵەوانیی ڕۆحەدا
ھەموو گەڵاکانی ئومێد بوونە تەرم
کەچی من نازانم بۆچی ھێشتا دەستم لە دەستی عیشقایە و
گۆرانی بۆ زیندانێک ئەڵێم پێی ئەڵێن؛ ژیان!

٢٤
ئەو ئاسمانەی مەرگی منی بە بێدەنگیی لێوەھەڵدێ
ئەوە بێ شک ئاسمانەکەی غەریبانە
ھەموو دڵێک ناتوانێ لەوێوە ھەڵبێت!
ئەو گۆڕستانە غەمگینەی تەنیاییم ئەگرێتە باوەش
ئەوە گۆڕستانە ڕووناکەکەی غەریبانە
جێگەی ھەموو دڵێک ناکاتەوە!

٢٥
ئەو ڕێگەیەی منی شیعری ھێنایەوە بۆ نیشتمان
ڕێگەیەک بوو پڕ بوو لە فڕین و غەزەل
پڕ بوو لە تۆ.
لەو ڕێگەیە
ئەستێرەی ئەو ھەموو خەونەم بینی ڕژابوون.
لەو ڕێگەیە
عاشقانی ئەو ھەموو حیکایەتەم بینی کوژرابوون.
لەو ڕێگەیە
چاوی ئەو ھەموو نەورەس و کۆترانەم بینی
لە تەماشای مناڵێکەوە ئاڵابوون، بۆ کۆچی ئاوێک ئەگریان.
لەو ڕێگەیە ئەو ھەموو شاعیرەم بینی؛
ھەندێکیان نوریان ئەچنی
ھەندێکیشیان بە دیار شکانی بەلەمەکانی ژیانەوە
تەجەللایان ڕاو ئەکرد.
ئاوابوو ئەو ڕێگەیەی
منی ئێوارەی گەیاندەوە شەوی ئەوێ.
ئاوابوو ئێوارەی درەنگی ئەو ڕێگەیە؛
گوڵێک نوێژێکی بۆ باخچە نەکرد.
لەو ھەموو ئەستێرەیەی لەو ڕێگەیە ھەڵھاتن
ئەستێرەیەکم نەدی لە گۆرانییەکەی تۆ بچێ!
ئاوابوو نووسینەوەی سەفەری من؛
لەو ھەموو قافیەی مردنە،
مەرگێک نەبوو لەو ڕێگەیە پڕ بەبەری ژیانی من بێت!
لەو ڕێگەیە زۆر ئەترسام دەستی بارانێک بگرم و
کەچی تۆ نەبیت.
لەو ڕێگەیە زۆر ئەترسام دنیا بڕوخێ و
سێبەری تۆم لەگەڵ نەبێت.
ئەترسام، زۆر ئەترسام بۆ دواجار پێت بڵێم:
وێرانم کە، تا پێت نەڵێم خۆشم ئەوێیت!
وێرانم کە؛
تازە قیامەتی دڵی من ئاگرێکی تری تێدا ناڕوێت
عیشق بگرێت!

وێرانم کە،
نە مەملەکەتی ڕۆحە بزێوەکەی تۆ و
نە سەرابستانی مەنفاکەی من
ھیچیان پەنجەرەیەکیان تێدا نەماوە؛
بۆ ھەتاوی ئومێدێک،
بۆ ھەناسەی عاشقێک،
بۆ نزای نەورەسێکی بێوەژن
یان بۆ سەبای خەمێکی تری نیشتمان بکرێتەوە!

پایزی ٢٠١٠ ی ئەدیلاید

(*) سەرنج:
مەتاعی غرور: مەبەست لە دنیایەکە کە بە پێی چەمکی ئایینی دواجار فەنائەبێت و دنیایەکی تر ھەیە بۆ نەمریی. ڕەنێوھێنانی ئەم چەمکە لێرەدا بە تەنھا ئاماژەیەکە بۆ ئەوەی کە (تەنیایی) لە ھەموو شوێن و زەمەنێکدا لە ڕۆحی ئینسان نابێتەوە.

جه مال غه مبار....

شێرکردن

2

وه‌ڵام: (25) هونراوه ى جه مال غه مبار

دةستو جاوت خوش كاكة توانا

شێرکردن

3

وه‌ڵام: (25) هونراوه ى جه مال غه مبار

سوباس كاكه ريكه وت كيان

شێرکردن

4

وه‌ڵام: (25) هونراوه ى جه مال غه مبار

دةستةكانت نه ريزيت زور جوانن

شێرکردن

5

وه‌ڵام: (25) هونراوه ى جه مال غه مبار

ده ستت خؤش بيت

هه‌ندێك ئه‌ڵێت"من بارانم خۆش ئه‌وێت" به‌ڵام كاتێك باران ده‌بارێت "چه‌تر" هه‌ڵده‌گريت له‌گه‌ڵ خۆیدا..!
هه‌ندێك ئه‌ڵێت"من خۆرم خۆش ئه‌وێت"به‌ڵام كاتێك خۆر هه‌ڵدێت به‌ دوای "سێبه‌ردا" ده‌گه‌ڕێت...!
هه‌ندێك ئه‌ڵێت"من هه‌وام خۆش ئه‌وێت"به‌ڵام كاتێك هه‌ڵده‌كات "په‌نجه‌ره‌كانیان" داده‌خه‌ن...!
له‌به‌ر ئه‌وه‌.. پێویسته‌ بترسیت كاتێك كه‌سێك پێت ئه‌ڵێت "خۆشم ئه‌وێی"...

شێرکردن

6

وه‌ڵام: (25) هونراوه ى جه مال غه مبار

سوباس كيان

شێرکردن

7

وه‌ڵام: (25) هونراوه ى جه مال غه مبار

ده‌ست خۆش

http://www.bkurdan.org/up/uploads/1314381740_Recovered_Gif_347.gif

په‌یام [ 7 ]

په‌ڕه‌ 1

ده‌بێت چوونه‌ژووره‌وه‌ یان به‌ ئه‌ندامبوون بۆ ئه‌وه‌ی بتوانیت وه‌ڵام بنووسیت

بابەتى نوێ هەیە. بابه‌تی نوێ نییه. بابه‌تی داخراو. بابه‌تی هەڵواسراو. بابه‌تی هەڵواسراو و داخراو. بابه‌تی گواستراوە.

REKLAM


ڕووکارى Kurdish_Green لەلایەن KarDo

دواین 10 بابه‌ت
باشترین دژه‌ ڤایرۆس بۆكۆمپیوته‌ر به‌باشترین تایبه‌تمه‌ندییه‌وه‌وه‌ربگر| چۆنێتی دانانی وێنه‌ی واژوو روونکردنه‌وه‌ به‌وێنه‌وه‌| كاتێك كە (15) ساڵ بویت و پێم وتی خۆشم دەوێیت| mn benasin| slaw| سلاو| سڵاو| تۆ زاڵمیت..تۆ غاینیت| ئیسماعیل یك..خۆشترین گۆرانی| ئه‌م گۆرانیه‌ بۆ ئه‌و هاورییانه‌ی دابراون| به‌ هۆی‌ منداڵه‌وه‌ كۆمپانیای ئه‌پڵ سزا درا‌| به‌ئاسانترین شێوه‌ نامه‌كانی فه‌یسبوكت بسره‌وه‌| تۆش ئه‌ته‌وای لاپیتۆپه‌كه‌ت وای لی بیت ؟| دانانى وينة لةكةل بابةت تايبةت بة مةكؤى روكةش [ تيشك]| سلاو| گرنگ نی یه‌ كی سه‌ره‌تا هات ...!!| سڵاو....بەرێزان| ئه‌مرۆ پیداچونه‌وه‌یكه‌م كرد بۆرابردوی خۆم| hawarek| هاوڕێی باش| بۆ یه‌كه‌مجار به‌هێزترین پرۆگرامم ببینن| ئاگاداری| ٣ وتەی بەنرخ| ئەمە ئەصڵی مەسەلەی خۆشەویستی فەیسبوکە>| جەژنی قوربانتان پیرۆزبێت| پەیامێک لە کچە ئەورۆپیەکانەوە بو کچە کوردەکان| بۆ قوتابیه‌ ته‌مبه‌ڵه‌كان| کابرایەکی مسولمانی دوعا گیر| به‌رنامه‌ي شه‌ماڵ بۆ بازنه‌ي 2-3 واتا له‌ پۆلي ( 4 تا 9 )| ٤وتەی ئیمامی مالیک|